Праздник Крещения Господня в Церковных песнопениях
По материалам «Троицких листков» (духовно-нравственное чтение для народа. Благословение Обители Преподобного Сергия. (№ 451, 502, 552 конец XIX века).
Листок первый
Предтеча Христов на Иордане. —Явление Спасителя. — Беседа Его с Предтечей. — Крещение Господне.
«От Вифлееме на Иордан прейдем, — зовет нас Святая Церковь в своих песнопениях, — тамо бо Свет сущим во тме озаряти уже начинает (3 января). Ведый Господне пришествие, из пустыни приходит Божественный Предтеча, вопия светло: приближися, явися избавление: покайтеся и водою очиститеся (2). Яко ластовица пречестная (как чистая ласточка), провозвещающая весну мысленную (духовную), предста Креститель, сущим в зиме прегрешений (2).
Глас Словесе, светильник Света, денница Солнца (Христа) Предтеча в пустыни всем вопиет людем: покайтеся и предочиститеся: се бо предстоит Христос, от тли (тления) мир избавляли (6). Велиим гласом в пустыни вопиет Предтеча: Христу уготовайте пути, и стези Богу нашему правы соделайте (6). Явися Христос, срести Сего потщимся, чистыми помышлении просвещаеми (2). Сшедшимся без числа людем от Иоанна креститися, Сам посреде их ста, провозгласи же предстоящим: кто показа вам, непокоривии, уклонитися (бежати от) гнева хотящаго быти? Плоды достойны Христу сотворите, Предстояй бо (явившийся) ныне мир дарует (6). Се Агнец, вземляй прегрешения человечества, прииде к рабу, прося Крещения, —раболепно предстоит, ищай (желая) свободити порабощенныя ны (нас) от льстивого и доброту первую (красоту первобытную) погубившие (3). — Егда к себе грядуща Господа Славы Предтеча узре, вопияше: Сей прииде избавляяй мир от истления; Сей избавляет нас от скорби; Сей согрешений оставление дарует яко Бог и вместо рабов сыни Божия соделовает, вместо же тмы просвещает человечество водою Божественного Крещения Его. Прочее (итак) приидите, согласно Того да славословим, со Отцем и со Святым Духом! (5). Видев Тя Иоанн к себе Благодетеля грядуща и просяща от него смирением Крещения, удивлься, ужасеся, никакоже рукою прикоснутися смея Того, Иже коснется горам — и воздымятся! (2)».
Так церковные песнопения изображают благоговение Крестителя пред крещаемым Господом; трогательно изображают они далее смирение Самого Господа и Его Предтечи в виде такой беседы. Иоанн говорит Господу: «Что сие, Христе, многое Твое, еже к нам, смотрение (о нас попечение)? Что нищета? Что неизреченное и паче ума снитие (снисхождение)? (2). Господь отвечает: Иоанне Крестителю, во утробе (матери твоей) познавый Мя Агнца, нареце Мне послужи, со Ангелы Мне службу принеси, простер коснися дланию верху Моему Пречистому (2). Иоанн: Боже мой, Содетелюмой! како Тя крещу Нескверного?'(3). Како простру руку и прикоснуся верху Держащаго всяческая? Аще и от Марии ecu Младенец, но вем Тя Бога Превечного: по земли ходиши певаемый от Серафим, и раб Владыку крещати не научихся. Непостижиме Господи, слава Тебе! (6). Господь: Не убойся крестити Мя, спасти бо приидох Адама первозданного (2). Иоанн: яко Солнце крыющееся во облацех познах Тя, Более мой, покровенна плотию: како убо нага Тя, водами ныне одеянна, зрю?(2). — Господь: Явихся весь человек ныне, приступен (доступен) тебе бых, естеством неприступный; приступи, крести Неподлежащего тлению, и мир от тления Изымающаго! (7). —Иоанн: Что ми повелеваеши яже паче (выше моея) силы совершити, о всесильне Господи! Како рукою коснуся Тебе, рукою вся Содержащаго? Ты мя паче крести раба Твоего! (7). — Господь: Гряди ко Мне, таинство совершающему спасительное, со страхом послужи и не ужасайся, Адама бо, сокрушенного грехом, обновляя, крещаюся яко человек (7). — Иоанн: не смею сено прикоснутися Огню; Тымя освяти, Владыко, Божественным явлением Твоим! (2).— Господь: Что недомышляешися (не постигаешь), Крестителю, смотрения, еже совершаю за спасение всех? Веруй Богу сошедшему, и приступив Мне послужи: Бог бо приидох за благоутробие, Адама очистити от падения (5). — Иоанн: странная и ужасная зрю днесь, ныне бо Источник бессмертия прииде, — от малые капли (от меня) просит Крещения! (2). — Господь: стояща в водах сих волею зря Мя ныне, приступи, о Иоанне, и крести, яко да водою благодать человеческому роду соделаю (2). Иоанн: Вземляй наша грехи на рамена пришел ecu, Иисусе, к струям иорданским; аз же ужасохся Твоего страшного пришествия. Сам мя очистити пришел ecu, и како Крещения от Мене просиши, всех Очищение? {5). —Господь: Неистязуя тя, Крестителю, пределы преходити (не требую от тебя, чтобы ты преступал закон), —точию крести Мя молча, и чая (ожидая) яже от Крещения: приимеши бо сего ради достоинство, еже не бысть Ангелом (чего не удостоились даже Ангелы), ибо всех Пророков больша тя сотворю: от оных убо ни един яви Мя виде, но (только) во образах, и снех, и гаданиих; ты же пред тобою стояша (Меня) видел ecu, спасти бо приидох Адама первозданного (2). Иоанн: сый (будучи) Огнь нестерпимый, Христе мой, брению и сену мне сущу, что святую Твою преклоняеши главу, еяже Ангельская трепещут множества? Велико есть, благоутробне Жизнодавче, Твое нисшествие (снисхождение)! (4). — Господь: Видел ecu, како паче ума смирився, обложихся твоим образом (облекся в естество человеческое): что убо странно, друже, аще и подклоняюся деснице твоей, как един от твоих клевет (из подобных тебе)? (11). Иоанн: Высоты небесные никакоже изследих (не исследовал я), звезд число (не знаю), ниже землю измерих (не измерил), и како верху Твоему коснуся рукою? Како крещу Носящаго горстию тварь?— Господь: естества Моего непостижимое Слово, (однако же) в рабий зрак одеявся приидох на Иордан; гряди, не бойся, приближися ко Мне, десницу на верх Мой положив (5). — Иоанн: Солнце очищаемо кто от земнородных виде? (Кто видел, чтобы солнце было очищаемо?) и Одевающаего небо облаки (кто видел) обнажаема всего? и источники и реки Содевающаго (кто видел) в воды входяща? Дивлюся несказанному смотрению Твоему, Владыко; не отягчи раба Твоего страшными повелении (7). Господь: да исполнится Отчее благоволение (воля Отца Небесного), приидох на землю; Небо Мне престол, земля же подножие; тебе же выю преклоняю, на сие бо приидох; крести Мене, очищающаго прегрешения человеков (4). — Иоанн: Моисей из крупины Тя возгласивши разумев, абие отврати лице: аз же како Тя увижу ясно? Или како руку положу на Тя? Ты бо ecu Христос, Божия мудрость и сила! (6). — Господь: отложи страх весь, Мне же повинися яко благому, Мне приступи, Моим повелением покорися и крести Мя (6). — Иоанн: Христе Боже, что к рабу пришел ecu, скверны не имый, Господи? Во имя же чье Тя крещу? Отца? но Того носиши в Себе. Сына? Но Сам ecu воплотивыйся. Духа Святаго?Но и Сего веси даяти верным усты… (6) — Господь: Пророче, гряди крестити Мене, тебе создавшаго; прикоснися Божественному Моему верху и не усумнися: прочее остави ныне, ибо исполнити приидох правду всякую (6).
И вот, Иоанн повинуется Господу и крещает Его. Предтечи, и Крестителя и Пророка, воспевает Церковь, и паче всех превышша Пророк (почтена) трепеташе ныне рука десная, егда виде Тебе, Агнца Божия, очищающаго мира согрешения (5). Ужас бе видети небесе и земли Творца на реце обнажшагося и крещение от раба за наше спасение приемлющаго яко раба, и лицы Ангельстии дивляхуся страхом и радостию, с нимиже покланяемся Тебе: спаси нас, Господи! (5). —Избавителю нашему от раба крещаему и Духа пришествием свидетельству ему, ужасошася, зряще Ангельская воинства, глас же с Небесе принесеся от Отца: Сей Егоже Предтеча рукою крещает, Сын Мой есть возлюбленный, о Нем же благоволих… (6). Крещается Христос и восходит от воды, и зрит разводящаяся Небеса, яже Адам затвори себе и сущим с ним, и Дух свидетельствует Божество… (6). — Слава Пришествию Твоему, Христе, слава Царствию Твоему, слава смотрению (промышлению) Твоему, едине Человеколюбче!».
Листок второй
Вифлеем и Иордан. — Рождество и Крещение Господа Иисуса
Вифлеем оставивше преславное чудо, ко Иордану тецем душею теплою, и тамо узрим страшное таинство: Боголепно бо предста обнажився Христос мой, одевая мя в одежду Небеснаго Царствия.
Светел убо мимошедший праздник (Рождества Христова), светлейший же, Спасе, приходящий: Он Ангела имеяше благовестника, и сей Предтечу обрете предуготовителя; во он, кровем (младенцев) изливаемым, яко безчаден рыдаше Вифлеем, — в сей, водам благословенным, многочадна познавается купель; во он Спасу волсви поклонишася, в сем же Владыку раб славен крести; тогда звезда волхвом возвести, ныне же Отец миру Тя показа. Воплотивыйся и паки грядый яве, Господи, слава Тебе!
Светлейший солнца бысть прешедший праздник Рождества Христова; ясен и пресветел показася приходяй (праздник) Божественнаго явления Его. Во он пастырие со Ангелы славословяще, поклонишася Богу вочеловечшемуся, в сей же Владыце Иоанн прикоснувся десною рукою, с трепетом глаголаше: освяти мене и воды, Едине имеяй велию милость!
Неизреченное сошествие Зиждителя, первее от Девы возсиявша, мир озарило есть; паки же Сам Христос, другое таинство ныне совершая, грядет на Иордан, земным в странное (непостижимое для ума) возрождение.
О преславнаго чудесе! Иже Духом Святым крещаяй и огнем — на Иордане грядет креститися от Иоанна: Бог не наг, ниже человек прост, но во двою естеству, един тойжде Сын Единородный, ищай убо крещения, яко человек, от смертнаго, — взимая же, яко Бог, грех мира и подая всем велию милость.
Царя всех и Владыку зряще на крещение Боголепно грядуща, воспоим Его, вернии; стези сердец наших уготовим любовию, скверны отмывающе лютых прегрешений: се бо спасти род человеческий приходит на струи Иорданския.
Ангельския силы, предыдите ко струям Иорданским; предгряди, Иоанне, оставль пустыню; радуйся, реко (Иордан) и уготовися: и вся земля да радуется: Христос грядет — грех Адамов очистити, яко благоутробен.
Славословия крестившемуся Господу
Пришел еси, Господи, на струи (Иорданския) чего ради? кое очищение хотя? Кую скверну отмыти ищяй, Преблагий? Пою Твое снисхождение, еже паче ума, Слове, за милосердие.
Поток еси пищный (сладостный), иже моря и источники Соделавый, и како на воды восходиши? Что омыти ищеши, иже всех омовение и очищение песнословящих Тя, Христе, во веки?
Пока Иисус мой очищается во Иордане, паче же очищает грехи наша: грядет бо воистинну на крещение, омыти хотя Адамово рукописание, и рече ко Иоанну: гряди, послужи, о Крестителю, таинства страннаго главизне (началу), гряди, простри руку твою скоро и прикоснися верху стершаго змиеву главу и отверзшаго рай, егоже затвори преступление лестию змиевою, вкушением древа иногда.
Ко гласу вопиющаго в пустыни уготовайте путь Господень — пришел еси, Господи, зрак рабий (образ раба) приим, крещения прося, не ведый греха. Видиша Тя воды — и убояшася; трепетен бысть Предтеча и возопи глаголя: како просветит светильник Света? Како руку положит раб на Владыку? Освяти мене и воды, Спасе, вземляй мира грех!
Невидимый Боже, Непостижимый Слове! Родился еси от Отца паче естества и слова, паки же в последняя от Девы, не изменив еже бе; грядеши и во струях Иорданских ныне креститися плотию, благоволивый спасти, яко Бог, род человеческий.
Ты, Сын Отца пребезначальнаго сый, к сыну Захариину смиренно приходиши, Благоутробне, крещения прося, яко да благодатию сыны Божия сотвориши ны.
Явился еси в мир, Иже мир сотворивый, да просветиши во тьме седящия, Человеколюбче, слава Тебе.
Дивится всяка душа, помышляющи Твое, Слове, страшное смотрение; како, наздати вся хотя, грядеши внити в речныя струи обнажен, Иже светом одеваяйся.
Ужасом содержится небо и Ангельская воинства, видяще Тя, Христе, раболепно идуща к Твоему рабу и просяща крещения.
Высота неизреченна и глубина неизмерна есть, Владыко, смотрения Твоего, всяко преходя ума постижение, како водою и всесвятым Духом земныя очищаеши?
Просмотры (118)
